Ѕвездите од „Game of Thrones“ уживаат во Грција: Кит Харингтон и Роуз Лесли на романтичен одмор

Кит Харингтон и Роуз Лесли се релаксираат во Грција. Актерите кои се прославија со улогите на Џон Сноу и Игрит во „Game of Thrones“ беа фотографирани додека уживаа во убавините на нашиот јужен сосед.

Актерите, кои имаа романса и на телевизиските екрани во популарната серија снимена според делата „A Song of Ice and Fire“, започнаа врска во 2012 година, но една година подоцна се разделија. Парот ја обнови врската кон крајот на 2015 година.

Новата сезона на „Game of Thrones“ ќе започне да се емитува на 16 јули.