Ѕвездата од „The Queen's Gambit“ Ања Тејлор-Џој во креација од Диор која била изработувана 200 часа

Фантастичната изведба во „The Queen's Gambit“ на Ања Тејлор-Џој ѝ донесе уште една награда. 24-годишната актерка се закити со статуетката Најдобра актерка во лимитирана серија на Critics Choice Awards.

Доделувањето на наградите се одвиваше онлајн. За оваа пригода, младата филмска ѕвезда шармираше во креација од високата мода на Диор која била изработувана 200 часа.

Стилскиот избор Ања го надополни со блескав накит од Bulgari.

„Ања Тејлор-Џој ги отелотворува силата и кревкоста на новата генерација надарени актерки кои го предизвикуваат ѕвездениот систем. Фустанот што го носи е синтеза на она што високата мода претставува за мене денес, со контрастни правила и креативната слобода која ја дозволува, во хармонија со лицето кое го носи“ – изјавила креативната диекторка на Диор, Марија Грација Киури.

Ања беше прогласена за Најдобра актерка во лимитирана серија и на Златен глобус.