„Ѕид на љубезноста“: Улични „катчиња“ во Шведска за топла облека за оние кои не можат да си дозволат

Низ студените шведските улици се шири граѓанска иницијатива под името „Ѕид на љубезноста“.

Во повеќе градови, никнуваат места на кои минувачите можат да остават топла облека која повеќе не им треба, или пак, да си земат алишта кои им се неопходни во ладниот период.

Идејата е едноставна: „Земи јакна ако ти треба, подари јакна ако имаш повеќе“.

Иницијативата добива особено значење во зимското студенило. На ѕидовите се закачени јакни, шалови, капи и други топли парчиња, со цел да ги стоплат луѓето кои не можат да си дозволат да си купат нови.

За разлика од традиционалните модели на донирање преку организации и институции, ѕидовите функционираат на доверба помеѓу луѓето. Секој учесник е охрабрен да постапува одговорно: да дава и зема според вистинска потреба, без злоупотреба.