Загадувањето со пластика е сериозен глобален проблем, па постојано се работи на изнаоѓање решенија за намалување на употребата на пластиката.
Две пријателки од Австралија измислија јадливи чаши за кафе, кои ќе можат да ги заменат стандардните што се користат за „take away“ пијалаци.
Чашите се создадени од овес и житарки, не го менуваат вкусот на пијалакот, остануваат крцкави 40 минути, а не протекува течноста дури неколку часа.
Анио и Кетрин објаснуваат дека и во случаите кога чашата нема да биде изедена, таа сама ќе се распадне природно за помалку од две недели.
„Работевме заедно две години пред да ја преземеме оваа иницијатива. Навистина сакавме да создадеме нешто со кое ќе направиме разлика и кое ќе има големо позитивно влијание на околината“ – велат основачките на „Good-Edi“.
На глобално ниво, секоја година се користат по 500 милијарди чаши за една употреба.