Традиционалната постоскаровска забава на Елтон Џон годинава доби ново „ковид-руво“. Наместо во Лос Анџелес, се одржа во Лондон, со ограничен број на физички присутни гости.
Дуа Липа беше задолжена за музичкиот дел заедно со „домаќинот“. Освен што ги отпеа нејзините хитови „Levitating“, „Pretty Please“, „Hallucinate“ и „Don’t Start Now“, Дуа ги изведе и „Bennie and the Jets“ и „Love Again“ со Елтон.
За свеченоста, популарната пејачка избра две гламурозни креации од Баленсијага.
Хуманитарниот настан беше проследен од виртуелна публика, со чија помош беа собрани 3 милиони долари за потпомагање на борбата против СИДА.
