Дуа Липа од фестивалот во Приштина директно на црвениот тепих во Њујорк покрај сопругот Калум Тарнер
Дуа Липа и Калум Тарнер го имаа своето прво појавување на црвениот тепих како брачен пар, два месеци по нивната свадба во Италија.
30-годишната пејачка отпатува во Њујорк директно од фестивалот „Sunny Hill“ во Приштина за да го придружува 36-годишниот актер на премиерата на романтичната комедија „One Night Only“, во која тој ја има главната улога.
Поп-ѕвездата со косовско потекло блесна во впечатлива црна креација со длабоко деколте изработена по мерка од Ferragamo, додека нејзиниот сопруг заведуваше во темносин костум од Louis Vuitton комбиниран со светложолта кошула и пругаста вратоврска.
Парот со широки насмевки позираше пред фотографите.
Филмот, во режија на Вил Глак, во кината пристигнува на 7 август.
Дуа и Калум во јуни го кажаа судбоносното „да“ на романтична церемонија во Сицилија, во историската вила Валгуарнера, во близина на Палермо, откако претходно официјално склучија граѓански брак во Лондон.
Неколку недели по свадбата, пејачката сподели интимни фотографии од прославата, на кои носеше уникатна венчаница од високата мода на Chanel, украсена со кристали и пердуви.
Љубовната приказна на Дуа и Калум започна во 2024 година, а во јули 2025 година споделија дека се вериле.