Дотерани на свадба: Едина Муса атрактивна во црн фустан покрај Мачка 8 месеци по породувањето

Едина Муса и Александар Димитровски-Мачка викендов присуствуваа на свадба и се дотераа во темни модни комбинации.

34-годишната поранешна кошаркарка го истакна своето тело во тесен црн фустан осум месеци по раѓањето на првото дете, синчето Максим. На прославата, Муса позираше покрај својот сопруг со кого стапи во брак во ноември минатата година.

Муса сподели фотографија на која заедно со Мачка проследија кошаркарски натпревар на КК Кожув, чиј претседател е самиот тој.

„И на свадба се навива за Кожув“ – напиша таа.

Едина и Александар ја потврдија својата врска пред јавноста во јануари минатата година, 11 месеци пред да стапат во брак.

Мачка има уште две деца од бракот со пејачката Тамара Тодевска.