Домашна торта, детска забава на плажа... Синчето на Нина Ангеловска го прослави 2-риот роденден
Синчето на Нина Ангеловска и Виктор Станков го прослави својот втор роденден со опуштена забава на плажа.
Наместо класична прослава во затворен простор, семејството реши да го одбележи специјалниот ден на Стефан со тематска прослава со блиски пријатели. Главната тема на роденденот беа багерите, па така целиот декор беше во знакот на градежните машини.
Посебен шмек на прославата ѝ даде домашната торта во форма на багер, која со многу љубов и внимание ја подготвија токму Нина и Виктор.
Само неколку дена претходно, семејството го прослави 38-миот роденден на поранешната министерка која неодамна ја издаде својата прва книга „Ништо случајно“.