„Дојде да ме научиш повторно да живеам“: Марија Шерифовиќ емотивна на вториот роденден на синчето Марио

Во домот на Марија Шерифовиќ има посебен повод за славење.

Синчето на 41-годишната српска пејачка го слави својот втор роденден. По тој повод, Марија објави слатка фотографија на која го држи малото детенце кое го доби со помош на сурогат-мајка на 2 декември 2023 година.

Во описот, напиша емотивна порака со која насолзи многу очи:

Сине мој, радост моја најголема.

Денес славиме заедно. 💙🙏🏼💙

Го славиме твојот живот и мојот втор роденден откако бев избрана токму јас да бидам твојата мајка. Мое нежно русокосо момче, колку ни ги промени животите на сите. Колку нè учиш на сè, ти толку мал и малечок.

Ти благодарам што дојде баш кај мене, да ме научиш повторно да живеам.

На Instagram Story, Марија сподели и видео во кое Марио ја пее својата омилена песна „APT.“.

Откако го доби Марио, Марија сподели дека се обидела самата да износи бременост, но дека не успеала и дека затоа се решила за сурогат-мајка.

Во повеќе наврати се обидував сама да износам бременост, но поради потешкотии, не успеав – рекла таа.

Големата желба да имам дете ме водеше низ тој комплексен процес – додала српската пејачка.