Доење, менување пелени, првото капење... Слатки илустрации на пар за животот со мало бебенце

29 август 2019, 08:35

Јехуда Ади Девир е познат по илустрациите со кои го доловува своето секојдневие.

Артистот од Тел Авив на сликовит начин ги прикажуваше романтичните и забавните моменти со сопругата Маја, а откако стана татко, неговиот фокус се префрли на новородената ќеркичка Ариел.

Доењето, првото капење, менувањето пелени, заспивањето... Јехуда изготви за своите обожаватели цртежи во кои им претставува каков е животот со мало бебенце.

Девојче е!

Менување пелени

Доење

„Тој допир... Овонеделната илустрација е за доењето. Испадна дека доењето не е лесно и комплетно не е обврзувачки секоја жена да се посвети на тоа. Од друга страна, доењето создава вистинска поврзаност помеѓу мајката и бебето. Во оваа илустрација ние одлучивме да зборуваме за врската помеѓу Маја и Ариел. Без оваа поврзаност ќе биде невозможно да се соочуваме со потешкотиите подоцна“ – стои во описот на цртежот.