Еден месец пред највозбудливата ноќ во годината, Сара Мејс и The Girlzz ја будат празничната магија.
Вокалниот квартет, кој покрај Сара го сочинуваат и Ана Петановска, Калина Велковска и Теа Богатинова, ја објави својата нова празнична песна „Нека трепка“.
Песната ја носи топлината и празничната магија на декември, музиката и текстот се дело токму на Сара Мејс, додека аранжманот е на Роберт Билбилов.
Спотот е снимен на две локации во Маврово и во Скопје, а визуелно ја доловува интимната, нежна и волшебна атмосфера која доминира во песната.
