Џорџина Родригез возврати на критиките за нејзиното тело, откри дека Роналдо ѝ рекол: „Ти си совршена жена, убава, со одлично тело, мајка“

Џорџина Родригез и Кристијано Роналдо ги користат летните денови за да уживаат под топлите сончеви зраци.

Откако споделија фотографии од на плажа на Мајорка, славниот модел и врвниот фудбалер беа фотографирани од папараците на јахта.

Фотографиите од Џорџина брзо се распространија на интернет, а уште побрзо се проширија коментарите за изгледот на нејзиното тело.

Додека едни ја критикуваа што се здебелила, други ја пофалија за изгледот.

Вереницата на Роналдо не остана имуна на коментарите и возврати на социјалните мрежи со порака:

Моето тело ќе се менува, како што се менува телото на секоја жена. И се надевам дека ќе продолжи да се менува уште многу години, бидејќи тоа ќе значи дека сè уште живеам.

✨ Јас сум мајка на шест прекрасни деца, од кои три се девојчиња кои еден ден ќе станат силни жени. И ако има нешто што сакам да ги научам, заедно со Крис, со кого сум неизмерно горда поради вредностите кои им ги пренесува како татко и како човек, тоа е дека вредноста на една личност никогаш не смее да зависи од нејзиниот физички изглед или од мислењето на непознати луѓе. Таа мала доза позитивна психологија која секој ден се трудам да им ја пренесам ним, ми помага и мене самата да останам на вистинскиот пат во овој свет исполнет со илузии.

Изминативе денови видов најразлични коментари за неколку мои фотографии направени на брод.

Некои го коментираат моето тело, други ме бранат...

Разговарав за тоа со Крис и му реков:

„Ме загрижува тоа што сега ме нарекуваат дебела, затоа што живеам од мојот изглед.“

А тој ми одговори:

„Ти не живееш од твојот изглед. Ти живееш од тоа што си. Совршена жена. Убава, со прекрасно тело, мајка, добар човек, успешна и жена што живее со љубов. Што повеќе би можела да посакаш?

Нормално е да има луѓе кои ти завидуваат.“

И разговаравме за уште многу други работи. 🩷

Понекогаш на сите ни треба некој да нè потсети што е навистина важно.

Интересно е што ова се случува секое лето. Секоја година моето тело повторно станува тема на разговор.

И тогаш се прашувам... каде е тој стандард? Кој одлучува кое тело е „правилно“? Зарем навистина сè уште мислиме дека среќата има конфекциски број?

Јас тренирам затоа што тоа ме прави среќна. Затоа што го сакам тоа. Затоа што тој еден час во теретана е еден од најубавите делови од мојот ден. Ми носи здравје, душевен мир, дисциплина, енергија и благосостојба. Никогаш не ми било цел да ослабам, отсекогаш било начин да се грижам за себе.

Ги сакам своите облини. Ја сакам слободата да живеам во телото кое го избирам. Во телото кое ме носи, кое ми овозможи да прегрнувам, да создавам живот, да паѓам и повторно да станувам. Тело кое заслужува почит, љубов и благодарност во секоја своја верзија.

За мене, вистинскиот успех никогаш не бил да се вклопам во некаков стандард за кој никој не знае кој го измислил. Вистински успех е да живееш во мир. Да бидеш опкружен со луѓето кои ги сакаш. Да уживаш со своето семејство и пријателите. Да се грижиш за своето здравје. Да се смееш. Да учиш. Да живееш.

Родригез сподели и албум со фотографии.