Двегодишната романса на холивудскиот срцекршач Џорџ Клуни и италијанската актерка Елизабета Каналис заврши.
„Повеќе не сме заедно. Многу е тешко и многу лично, па се надеваме дека сите ќе ја почитуваат нашата приватност“ – соопштија Клуни и Каналис преку заедничко соопштение за јавноста.
Елизабета Каналис и Џорџ Клуни
Клуни, кој минатиот месец наполни 50 години, и 32-годишната Италијанка последнен пат беа забележани од папараците минатата недела во ресторан во Италија.
Медиумите веќе шпекулираат за причините за разделбата. Како можна причина се наведуваат различните гледишта на Клуни и Каналис во однос на бракот.
Пред неколку месеци Џорџ Клуни кристално јасно изјави дека не сака никогаш повеќе да се жени. Од друга страна, Каналис призна дека еден ден би сакала да се омажи.
„Јас цврсто верувам во бракот, во иднина ќе се омажам, но засега сум среќна вака како што е. Многу сум среќна во моментов, благодарение на мојот маж и бајката која продолжува. Ние сме пар на кој никогаш не му е досадно“ – изјавила Каналис за италијанското списание Chi.
Клуни си останува на листата на најпосакувани слободни ергени.