Џони Деп беше одликуван со орден за заслуги на церемонија во Белград. Српскиот претседател Александар Вучиќ му додели златен медал на Денот на државноста на Србија.
58-годишниот актер гордо го прими признанието кое му беше врачено како благодараност што ја промовира Србија во светот.
„Навистина искрено ви се заблагодарувам претседателе Вучиќ, и овој медал на заслуги, ако ја имам таа чест да си заминам со него, благодарам што сте доволно љубезни да ми го подарите“ – изјави Деп.
„Моментално сум на работ на нов живот. И би сакал тој почеток да започне тука“ – изјави холивудскиот актер.
Деп престојува во Србија по повод промоцијата на серијата „Puffins“, која е продуцирана од „Архангел студио“ на Милош Биковиќ и креирана од „Јерволино студио“.