Џесика Бил ја воодушеви публиката со појавувањето на 18-тото годишно модно шоу „Be Beautiful, Be Yourself“, организирано од Фондацијата „Global Down Syndrome“ во Денвер, Колорадо.
43-годишната холивудска ѕвезда зачекори на модната писта за рака со својата
Малата Заја носеше нежна розова цветна креација, а Џесика се одлучи за елегантна црна тоалета.
На својот Instagram профил, сопругата на Џастин Тимберлејк сподели фотографии од настанот, опишувајќи го моментот како „незаборавна вечер“.
„Каква незаборавна вечер на модното шоу ‘Be Beautiful, Be Yourself’. Никогаш нема да го заборавам моментот додека чекорев рака за рака со мојата внука Заја. Огромно благодарам на Фондацијата ‘Global Down Syndrome’ за неверојатната работа која ја вршите“ – напиша Џесика.
Ова не е првпат актерката да ја покаже својата поддршка за заедницата на лица со Даунов синдром. Во март, по повод Светскиот ден на Даунов синдром, таа сподели фотографии со Заја, истакнувајќи дека оваа кауза ѝ е особено блиска на срцето.
„Секој ја заслужува грижата која му е потребна. Да направиме разлика заедно“ – напиша тогаш Бил.
Настанот „Be Beautiful, Be Yourself“ е најголемата добротворна ревија во светот посветена на подигнување на свеста и поддршка на лицата со Даунов синдром.
