Одредени парчиња облека се основата на секој женски плакар и вреди во нив да се инвестира малку повеќе. Џесика Алба за списанието „Women’s Health“ откри кои модни парчиња се задолжителни во женската гардероба.
Џинс јакна
„Некои години не е во мода, но секогаш се враќа. Сакам кога е потесна и точна за да ја носам со развеани фустани и здолништа. Исто така, никогаш не можете да погрешите со кожена моторџиска јакна – шик.“
Убаво палто
„Во текот на половина година луѓето ја гледаат само вашата надворешна облека. Барајте квалитетно шиено палто со големи копчиња и убава постава.“
Мало црно фустанче
„За љубовен состанок или за вечерно излегување со пријателите.“
Неутрални маички
„Пронајдете ги оние коишто одговараат на вашето тело. Потоа купете тон во бела, сива, црна и пудра боја и носете ги под сè.“
Совршените фармерки
„Избегнувајте откачени шевови и светкави детали на задните џебови. Убаво е малку да се растегливи затоа што ќе ги гушкаат вашите облини. Моментално најмногу сакам фармерки во машки крој (boyfriend jeans). Многу се комфорни и можеш да ги носиш со штикли.“
Лесно сако како кроено за вас
„Со тегет или црно лесно сако на едноставен начин можете да покажете стил. Комбинирајте го со фустан со А-линија, макси здолниште или маичка, или пак маичка без ракави и фармерки.“
