Џеси Џеј низ емоции: „Ова е моето последно шоу пред да одам да го победам ракот на дојка“

Џеси Џеј го одржа својот последен настап пред да ѝ биде направена операција поради рак на дојка.

37-годишната пејачка ја забавуваше публиката во Вембли стадионот, пред да се обрати со емотивен говор.

„Денес, ова шоу е последното пред да одам да го победам ракот на дојка. Немате појма колку ова е посебно за мене. Ова е последното шоу пред да одам на операција и сите тие други нешта. Многу сум благодарна за овој живот, за вас, за мојата кариера, за син ми, мојот партнер, родителите, семејството, мојот бенд, моите луѓе. Толку сме среќни, имаме многу нешта за кои треба да живееме. Толку радост, толку нешта кои треба да ги направиме“ – рече таа.

@capitalofficial “Today this show is my last show before I go and beat cancer” #jessiej #capitalSTB #capitalsummertimeball ♬ original sound - Capital

Џеси ја откри болеста во ран стадиум и има голема надеж дека ќе извојува победа во оваа битка.

Пред многу години, славната музичарка доби вест од докторите дека нема да може да има деца, но по години борба со неплодноста и спонтан абортус, музичарката забремени и доби дете со својот партнер Чанан Сафир Колман.

Нејзиното синче сега има 2 години.