Џенифер Лопез во гламурозни комбинезони од Ели Сааб и Зухаир Мурад на концертот „Vax Live“ на кој запеа со мајка си

Џенифер Лопез ја развеселуваше атмосферата на специјалниот настан „Vax Live: Концертот за реобединување на светот“, кој цели кон еднаква распределба на вакцините против коронавирусот низ светот и ја слави иднината во која семејствата и заедниците се обединуваат откако ќе се имунизираат.

Лопез пристигна на свеченоста во бела креација од Ели Сааб.

На сцената таа блесна во комбинезон со реси од колекцијата висока мода пролет/лето 2021 на Зухаир Мурад. Додека ја изведуваше „Sweet Caroline“, на популарната пејачка ѝ се придружи нејзината мајка Гвадалупе.

Модната куќа Роберто Кавали изработи жолта креација за Лопез.