Џенифер Лопез мамеше погледи на Бродвеј.
55-годишната актерка и пејачка присуствуваше на роденденскиот концерт во театарот „Stephen Sondheim“ по повод 98-миот роденден на композиторот Џон Кандер. Во Њујорк, славната музичарка шармираше во комбинација во праска нијанса, а за нејзиниот изглед се погрижила стилистката Мариел Хаен.
Џенифер беше дел од изведувачите на настанот „Ring Them Bells: A Birthday Celebration for John Kander“, кој имаше и цел да собере средства за театарската компанија „Roundabout“.
Кандер и неговиот партнер Фред Еб стојат зад мјузиклот „Kiss of the Spider Woman“. Лопез глуми во истоимената филмска адаптација која ќе се прикажува во киносалите оваа година.
