Џенифер Лопез и Алекс Родригез со бакнежи во Доминикана потврдуваат дека се посветени да ги надминат проблемите

Џенифер Лопез и Алекс Родригез не кријат дека се исправени пред голем предизвик во врската, но најновите папараци фотографии потврдуваат дека се посветени да ги надминат проблемите.

Денови откако одекна веста дека парот ја раскина свршувачката, Алекс отпатува во Доминиканската Република, каде славната пејачка и актерка го снима својот најнов филм. На фотографиите, 51-годишната ѕвезда и 45-годишниот поранешен спортист се бакнуваат пред луксузна куќа.

Според извори на странски медиуми, популарната двојка дава сè од себе да ја одржи врската, а значаен фактор за помирувањето се нивните деца, кои иако не се крвно поврзани, премногу се зближиле во изминатите години.

Наводно, главна причина за заладувањето на односите е интензивниот контакт на Алекс со телевизиската актерка Медисон ЛеКрој. По сè посилните шпекулации за нивна афера, Медисон изјави: „Тој никогаш физички не ја изневери неговата вереница со мене“. Но, исто така, откри пред јавноста дека тие многу често комуницираат преку телефон.