Џенифер Лопез и Алекс Родригез се разделија. Славниот пар сè уште ги нема потврдено гласините, но многу релевантни странски медиуми дознаа од блиски извори дека веќе не се заедно.
51-годишната актерка и пејачка и 45-годишниот поранешен спортист се свршија на Бахамите во 2019 година, по двегодишна врска. Тие планираа да стапат во брак, но пандемијата со коронавирусот двапати ја одложи реализацијата на свадбата.
Наводно, причината за разделбата е што Родригез премногу се зближил со Медисон ЛеКрој, но тоа засега е само шпекулација.
Откако проструија гласини дела Алекс и Медисон се блиски, таа појасни дека нивната врска не била физичка. „Тој никогаш физички не ја изневери неговата вереница со мене“ – рекла таа и истакнала дека само разговараат многу често.
Пред две недели, Лопез и Родригез објавија романтични фотографии од патување во Доминиканска Република, каде таа го снима новиот филм „Shotgun Wedding“, па никој не очекуваше дека им претстои разделба.
