Џек Блек постојано мами насмевки низ светот со своите улоги во филмовите, а сега успеа да ѝ измами насмевка на 13-годишна девојка која се бори со рак.
55-годишниот актер, кој во моментов е најактуелен со улогата на Стив од „A Minecraft Movie“, ја изненади Саша, која сонувала еден ден да го запознае бидејќи ѝ е омилен актер. Храбрата девојка преку видео повик имаше можност да позборува со него и да му ја отпее хит-песната „Steve's Lava Chicken“ од „A Minecraft Movie“.
„Се борам со рак веќе три години. Ми имаат отстрането три ребра и дел од мојот череп. Веројатно тоа е најтешкиот дел – да изгубиш дел од себеси“ – му рече Саша на Џек.
„Ти си неверојатно дете“ – ѝ возврати тој.
Пред да биде прекинат разговорот, Саша побара од Џек да му ја одглуми хит-сцената во која тој извикува „Chicken Jockey“.
@isaiahgarza @Jack Black surprised a 13 year old fan battling cancer on her birthday Can we wish Sasha a happy birthday, tiktok?! #beautiful #wholesome #jackblack ♬ original sound - Isaiah Garza
Саша страда од рак на коските, поради кој морало да ѝ биде отстранет и дел од черепот, а за својата битка често споделува фотографии на социјалните мрежи.
Изненадувањето беше организирано од Исаија Гарза, кој во минатото растел во сиромаштија, а бил и бездомник. Инспиративниот хуманитарец сега е интернет ѕвезда и посветено исполнува желби.
Покрај изненадувањето со Џек, тој ѝ подари и 1.000 долари на Саша.
