Џеф и Мекензи Безос објавија дека се разведуваат по 25-годишен брачен живот. Парот, кој има четири деца, ја објави веста за разделбата на Twitter.
„Одлучивме да се разведеме и да ги продолжиме нашите заеднички животи како пријатели. Се чувствуваме неверојатно среќни што се најдовме еден со друг и имаме длабока благодарност за секоја од годините кои ги поминавме во брак. Ако знаевме дека ќе се разделиме по 25 години, повторно би направиле сè исто“ – стои во соопштението.
— Jeff Bezos (@JeffBezos) January 9, 2019
54-годишниот бизнисмен и филантроп, кој стои на чело на Amazon, „тежи“ 137 милијарди долари и моментално е најбогат човек на светот. Сепак, ако со разводот тој и 48-годишната писателка го поделат богатството, ќе има промени во рангирањето. Така, доколку Мекензи добие половина од богатството, таа ќе стане најбогатата жена на светот, а Џеф ќе падне зад Бил Гејтс кој повторно ќе застане на врвот на листата на најбогати.
Џеф и Мекензи се венчаа во 1993 година, а веќе следната година, тој ги постави темелите на Amazon.
Џеф и Мекензи во 2005 година