Девојче од Сирија, кое беше снимено како учи и пишува над куп ѓубре, беше запишано на училиште во Истанбул

Животот на мала бегалка од Сирија целосно се промени откако беше снимена како учи и пишува во тетратка сред ѓубре.

Видеото го покажува 11-годишното девојче како седи над вреќа полна со искористена хартија во Истанбул.

Откако снимката ги обиколи социјалните мрежи, турското Министерство за образование интервенираше и Халиме беше запишана во училиште.

„Многу сум среќна што ќе бидам поблиску до книги на училиште“ - рекла таа.

Халиме, нејзините родители и нејзините 6 браќа и сестри избегале од Сирија пред нешто повеќе од една година. За да им помага на родителите, Халиме не одела на училиште и собирала хартија за рециклирање од улиците.

За среќа, снимката од случаен минувач ѝ го пренасочи животот на Халиме во позитивна насока. Локалните власти се согласиле да ги покријат сите трошоци поврзани со нејзиното образование.