Дени Жерновска, која има церебрална парализа, сними песна за пчелите со Атиџе како гостинка во спотот

Дени Жерновска ги следи своите соништа и постојано руши бариери. Девојчето со церебрална парализа, не дозволува нејзината состојба да ја спречи во остварувањето на посакуваните цели.

Со помош на својата учителка Сузана Турунџиева, Дени ја сними својата трета песна насловена „Пчела“.

Како специјална гостинка во спотот, таа ја покани македонската пчеларка Атиџе.

Текстот и музиката се на Турунџиева, додека за аранжманот се погрижи Андријана Јаневска.

Дени досега има учествувано и во три инклузивни претстави на танцовиот клуб „Еурека“.