„Денес опериравме две бебиња по околу 2 кг со тешки срцеви маани“: Д-р Владимир Чадиковски со нов медицински подвиг
Две бебиња со тешки срцеви маани вчера беа успешно оперирани од д-р Владимир Чадиковски.
Убавата вест ја сподели македонскиот „медицински херој“ на својот Instagram профил и доби бројни комплименти и честитки од интернет корисниците.
Две деца. Два комплексни срцеви дефекти. Две успешни операции. ❤️
Големо браво за целиот тим на одделението — кога работиме како едно, спасуваме животи. 👏👏👏 – напиша детскиот кардиохирург.
Во видеото, Чадиковски вели:
Денеска сакам да споделам дека успеавме во еден ден да оперираме две деца со тешки срцеви маани. Двете бебиња се околу два килограми и во една одлична координација со Клиниката за гинекологија и акушерство од Клиничкиот центар „Мајка Тереза“ успеавме двете деца да ги пренесеме и еве денеска да ги завршиме. Двете деца се на оддел и е надевам дека брзо ќе се опорават и брзо ќе заминат дома.