„Деколте на 12-годишно дете?“ Ким Кардашијан критикувана што ѝ дозволи на ќерка си да носи корсет

Ким Кардашијан се соочува со жестоки критики откако нејзината 12-годишна ќерка се појави облечена во корсет.

44-годишната риалити ѕвезда предизвика лавина коментари откако беше фотографирана со Норт Вест на семеен одмор во Рим. Норт носеше смела комбинација, која вклучуваше црн корсет, мини здолниште со чипка и чизми на висока платформа.

На социјалните мрежи, многумина ја осудија Ким со коментари како:
„Многу непристојно, Ким. Таа има 12 години“, „Не сум фан на деколте на 12-годишно дете“, „Дали е тоа деколте на 12-годишничка?“, „Ова е неприфатливо“...

Сепак, имаше и такви кои ја бранеа, тврдејќи дека луѓето претеруваат и дека треба да се почитува слободата на изразување на Норт.

Ким има уште три деца со нејзиниот поранешен сопруг Кание Вест со кого беше во брак од 2014 до 2022 година.