Дечиња од Домот за деца без родители од Битола прославија роденден: „Нивните насмевки се најубавиот подарок“

Дечиња од Домот за доенчиња и мали деца од Битола имаа роденденска прослава која им донесе многу радост и насмевки.

Од установата за деца без родители и родителска грижа објавија фотографии од забавниот ден и напишаа слатка порака со честитки за малите славеници и благодарност за оние коишто помогнаа во организацијата.

На фотографиите, слатките дечиња си играат со балони, се лизгаат во замок на надувување, дуваат свеќички на голема торта и се забавуваат.

Еве ја пораката која стои на Facebook профилот на Домот за доенчиња и мали деца – Битола:

Денес славевме повеќе од роденден – славевме насмевки, среќа и моменти кои остануваат во срцето.🎂✨

За нашите деца, секој роденден е потсетник дека се сакани, важни и опкружени со луѓе кои се радуваат на нивниот раст и успех. Нивните искрени насмевки, возбудата при дувањето на свеќичките и среќата споделена со другарчињата се најубавиот подарок за сите нас.

Среќен роденден на нашите мали херои! 🎉🎈🎁💙