Данијела Димитровска со тајна венчавка во црква стапи во брак со 6 години помлад фудбалер
Данијела Димитровска се омажи по вторпат. Познатиот модел со македонско потекло објави дека стапи во брак со Јеврем Косниќ.
38-годишната убавица сподели видео со снимки од подготовката и венчавката од кои се гледа дека е облечена во минималистички бел фустан. За време на церемонијата, која се одржала во црква во близина на Белград, таа носеше и бела марама на главата.
„Моето засекогаш да. Тивко и во мал круг. Наскоро ќе славиме сите заедно“ – напиша таа.
Данијела претходно беше во брак со Огњен Амиџиќ со кого го има синот Матија. Неодамна таа откри дека сака уште деца: „Да си мајка е најубавото нешто на светот и уживам во тоа. Сакам да ми се прошири семејството и да имам што повеќе деца“.
Данијела и Јеврем се верија во мај минатата година.
