По настапот на концертот на Лепа Брена, на кој беше специјален гостин, Даниел Кајмакоски поминува квалитетно време со семејството.
41-годишниот пејач е на одмор во Грција со својата сопруга и со двете мали дечиња, синчето Стефан и ќеркичката Емилија. Даниел објави фотографии на кои Стефан си игра на плажа, а Марина покажа семејна прошетка со Емилија која наскоро ќе наполни 9 месеци.
Семејството Кајмакоски беше на море и во јуни.
На 1 август, Даниел настапи на сцената за време на концертот на Брена.
„Толку многу песни и музика во изминативе години, а за многу генерации сè уште најпривлечно и најинтересно звучат хитовите на Брена. Чест ми е што таа лично ме покани да бидам гостин на нејзиниот концерт во Охрид!“
„Сите мои најблиски ја сакаат и почитуваат, особено мајка ми. Посебен е овој момент, повторно да ја делам сцената со Брена, права дама, единствена и по музиката и по убавината. Не е битно каква музика слушаш и колку години имаш, Брена ја знаеш и сакаш да ја слушаш“ – напиша тој пред настапот.
Даниел и Марина стапија во брак во јануари 2023 година. Нивното синче се роди на 30 април истата година, додека ќеркичката Емилија ја добија во ноември минатата година.
