Дамијано Давид и Дав Камерон се верија: Фронтменот на Måneskin ја запроси ѕвездата на Дизни со дијамантски прстен

Дамијано Давид и Дав Камерон направија голем чекор во својата врска.

Фронтменот на Måneskin и ѕвездата на Дизни се верија, а веста први ја пренесоа од TMZ. Тие објавија фотографии на кои парот е „уловен“ во Сиднеј, Австралија, а на левата рака на американската актерка и пејачка блеска дијамантски прстен.

Фотографиите од нивната прошетка брзо се проширија на социјалните мрежи, а иако двајцата засега не дале официјална изјава, извори на TMZ потврдиле дека станува збор за веренички прстен.

Дамијано и Дав ја започнаа својата романса во 2023 година, кога Камерон првпат беше видена на концерт на Måneskin во Њујорк. Нивната врска стана јавна во февруари 2024 година, кога заедно се појавија на гала вечера во пресрет на доделувањето на Греми наградите.

Минатиот месец, Камерон на Инстаграм ја прослави втората годишнина од нивната врска со емотивна објава:

„Две најубави години од мојот живот. Плачам барем еднаш неделно затоа што животот стана толку убав откако си во него. Те сакам на начин кој зборовите не можат да го опишат“ – напиша таа.

Ова е втора веридба за Камерон, која во минатото беше свршена за актерот Рајан МекКартан, нејзиниот колега од серијата „Liv and Maddie“, со кого беше во врска од 2013 до 2016 година.