Дама во сино: Принцезата Кетрин во креација од Ели Сааб и шапка за забава во Бакингемската палата

Принцезата Кетрин знае како да остави впечаток, а нејзиното појавување на забавата во градината на Бакингемската палата не беше исклучок.

41-годишната припадничка на британското кралско семејство изгледаше елегантно и софистицирано во сина креација од либанскиот дизајнер Ели Сааб. Својот изглед таа го надополни со шапка со цвет во иста нијанса како фустанот.

Со истиот изглед, Кетрин пленеше и во 2019 година.

Во чест на новиот крал Чарлс, принцезата и принцот Вилијам организираа забава со 8.000 гости во градината на палатата. Тие се поздравија со гостите на настанот кој, како што пишуваат, ги слави „луѓето кои прават исклучителни работи“.