Даикири (Daiquiri) е едноставен коктел со незаборавлив вкус. Ако румот е вашиот омилен пијалок нема како, а да не ви се допадне овој коктел.
Состојки
| 60ml | бел рум |
| 30ml | сок од зелен лимон |
| 2 ч.л. | шеќер (или 20ml шеќерен сируп) |
| мраз |
Подготовка
Даикири се служи во чаша за мартини.
- Ставете неколку коцки мраз во чашата и оставете ги додека го приготвувате коктелот.
- Во шејкер со мраз ставете ги румот, шеќерот (шеќерниот сируп) и исцедете 30ml сок од зелен лимон.
- Растресете го шејкерот за околу 20 секунди.
- Отстранете го мразот од чашата во која ќе го служите коктелот.
- Исцедете ја течноста и украсете со тенко исечено кругче зелен лимон.
Варијации
Ви предлагаме да пробате и неколку популарни варијации на коктелот Даикири:
- Papa Doble – употребeте двојно повеќе рум од оригиналната рецепта. Хемингвеј обожавал да пие силно Даикири, па од таму доаѓа оваа варијација на коктелот.
- Hemingway Special – шеќерот заменете го со еднакви количини сок од грејпфрут и ликер мараскино.
- Јагодово Даикири – заедно со другите состојки во шејкерот додајте 5 јагодки.
На здравје!