„Да не го оставиме Јован сам“: Апел за помош на 12-годишно момче без мајка од Делчево чиј татко е хоспитализиран

На Јован Лесовски му треба нашата помош за да има достоинствено детство.

12-годишното момче без мајка од Ветрен, Делчево, беше згрижено кај роднини по хоспитализацијата на неговиот татко, кој е алкохоличар. Куќата во која живеат двајцата е во лоша состојба без најосновните потребни работи.

На Ecrowd има апел за помош на момчето, за кое докторот Ненад Лазаров напаша:

Зарем било кое дете заслужува да живее во распадната куќа, во влага и без ништо? 

ДА НЕ ЈА ВРТИМЕ ГЛАВАТА НА СТРАНА

12-годишниот Јован живее во оваа куќа без најосновните потребни работи, без мајка и со татко што се бори со алкохолизам, меѓу другото. Стотици пати докажавме дека заедно можеме, ве молам и повикувам сите да помогнеме на ЛИНКОТ:

Апел за помош на Јован Лесовски

Јован Лесовски има само 12 години и живее во село Ветрен, Делчево. Наместо безгрижно детство, деновите му минуваат во грижа и неизвесност. 

Неговиот татко, поради постоперативни компликации на рана, е повторно хоспитализиран, а Јован во овој тежок период е згрижен кај роднини, без секојдневната грижа и сигурност што му е потребна на едно дете. 

Семејството се соочува со сериозни животни предизвици.

Домот во кој Јован треба да се врати има потреба од реновирање, а недостигаат и основни апарати за домаќинство, како и храна и облека за секојдневен живот. Финансиските можности се ограничени, а состојбата е итна. ⏳ 

Секој ден без поддршка значи дополнителен товар за едно дете. 🙏 Затоа упатуваме апел до сите хумани луѓе, компании и институции – да помогнеме заедно. 

Секоја донација, без разлика дали е финансиска или материјална, значи чекор поблиску до сигурен дом и достоинствено детство за Јован - пишува на Ecrowd.