Д-р Михајловска со потресна фотографија од колона амбулантни возила: Да не бидеме „Италија на Балканот“!

Медицинските лица од нашата држава, кои со сите сили се обидуваат да го ублажат ударот од коронавирусот, неуморно апелираат да се почитуваат препораките.

По 24-часовно дежурство во истоштувачки услови за работа со целосна заштитна опрема, д-р Марија Михајловска упати силна порака до сите нас.

Со загрижувачка фотографија од колона амбулантни возила кои превезуваат пациенти до Општата градска болница „8-ми септември“, таа предупредува да бидеме многу претпазливи и да не ги игнорираме препораките.

Д-р Марија Михајловска

Министерот Венко Филипче предмалку потврди дека 11 здравствени работници токму од болницата „8-ми септември“ се заразени со коронавирусот SARS-CoV-2.

Да не останеме глуви на апелите! Да им помогнеме на медицинските херои. Да ја покажеме благодарноста за нивната макотрпна работа и несебичното жртвување со едноставно почитување на клучните препораки за заштита!