Никогаш не велете дека имате видено сè. Секогаш постои нешто што ќе ве изненади и шокира, особено ако ја гледате емисијата „Мојата чудна зависност“ (My Strange Addiction).
Во шокантната емисија досега се појавиле луѓе кои се зависни од јадење мебел, тоалетна хартија, стакло или прашок за перење, жена којашто тврди дека не може да спие без својот фен, а и жена којашто си ја кубе косата за да може да ги јаде фоликулите и влакната.
Во најновата епизода гостуваа жената што си ги нема сечено ноктите веќе 22 години и 25-годишна која поминува половина од денот како бебе.
Џез Ајсон Синкфилд е 48-годишна баба со вкупно 5,7 метри нокти на рацете. Таа си ги нема сечено ноктите на рацете 22 години, а најдолгиот нејзин нокот е 61 сантиметар.
Таа не може да си ги врзува чевлите, да пишува на тастатура и често не може сама да се облекува, но одбива да ги скрати ноктите. Нејзината опсесија оди до таму што таа ги нарекува свои бебиња. „Не можам да престанам да ги сакам моите деца, па како можам да престанам да ги сакам моите нокти“ – вели таа во интервјуто.
За одржување на ноктите Џез плаќа по 250 долари месечно
Но, растењето на ноктите на Џез тешко може да се нарече зависност, затоа што таа во претходни интервјуа изјавила дека ги расте за да може да се запознае со Опра и многу други славни личности.
Другата учесничка во емисијата изјави дека поминува 12 часа од денот буквално како бебе – облечена во бебешка облека, со цуцла во устата и носејќи пелени.
Рајли 12 часа од денот ги живее како бебе
25-годишната Рајли признала дека бебешкиот начин на живот ја смирува и дека носи пелени од 13-годишна возраст. Освен тоа, Рајли всушност не е девојка како што изгледа. Таа била родена како машко, но пред 5 години започнала да живее како жена.