Дали сте суеверни или не баш, ама чукате во дрво за секој случај? Колку нашата култура и традиција ни ги оформуваат верувањата, навиките и начините на кои се однесуваме?
Погледнете во најновата емисија на „Reality Check“, каде што Ели Пешева на необичен, интересен и хумoристичен начин, преку анкети, експерименти и разговори со психолог, нè доближува до откривање на некои работи кои и самите не сме ги знаеле за себе.
Откако продира во размислувањата за популарните суеверија на случајни минувачи, грациозната и духовита новинарка и активистка нè носи во домот на дизајнерката Ива Спасовска, го става Божидар Божиновски во улога на „искусен гледач на кафе“, а потоа ја разглобува психолошката страна на суеверијата со Деспина Ковачевска, гешталт терапевт во едукација.
Уживајте!