Периодов, социјалните мрежи се преплавени со идеи за сервирање на мезе-даска на нов интересен начин.
Идејата за „Butter board“ се роди на TikTok пред неколку месеци и оттогаш е пресоздавана на најразлични начини. Станува збор за даска премачкана со путер и надополнета со разновидни зачини и додатоци. Покрај путерот се поставуваат крекери или парчиња леб кои се мачкаат со него.
Постојат неколку варијации од оваа даска – со крем сирење, хумус, гвакамоле или блага верзија со путер од кикирики, а по ваша желба, можете да експериментирате и со други идеи.
