Бруклин Бекам зборуваше за кавгите во семејството и ја пофали сопругата: „Многу ме поддржува, среќни сме“

Бруклин Бекам се отвори за животот со сопругата Никола Пелц и за начинот на кој се справува со постојаните шпекулации за раздор во неговото семејство.

26-годишниот син на Дејвид и Викторија уште еднаш застана во центарот на вниманието кога минатата недела не му го честиташе роденденот на брат му Ромео и не присуствуваше на неговата прослава.

Во неодамнешно интервју за Daily Mail на голф турнир, Бруклин даде ретка, но искрена изјава за тоа како се справува со негативните коментари и медиумското внимание.

„Секогаш ќе има луѓе кои ќе кажуваат негативни работи, но имам сопруга која многу ме поддржува. Ние само си го живееме животот, ги држиме главите наведнати и работиме. Среќни сме“ – рече тој.

Веќе со месеци наназад се зборува за тензија и кавги меѓу него и родителите. Неговото отсуство од важните семејни собири, како и тоа што не ги покани родителите на обновувањето на заветите со Никола, беше доволна причина за шпекулации во медиумите и јавноста.

Сепак, Бруклин во интервјуто додаде дека никогаш не се грижи за тоа што велат луѓето или што се пишува за неговиот личен живот.

„Секогаш ќе се зборуваат глупости. Јас само се трудам и го правам ова, играм голф со пријатели. Забавно е“ – додаде тој.

Бруклин учествуваше на голф-турнир во Њујорк. Иако неговиот тим од Европа беше убедливо поразен, Бруклин го доживеа настанот како позитивно искуство.

„Имав чувство дека американската публика воопшто не ме сакаше, но беше неверојатно. Ми довикуваа разни работи, но очекував такво нешто. Сепак, игравме во Њујорк... само се смееја. Но, тоа е тоа, јас си се забавував“ – рече тој.

Многумина очекуваа дека ќе остане во Њујорк за натпреварот на клубот на татко му, Интер Мајами, но Бруклин најави враќање во Лос Анџелес.

„Морам да се вратам. Ја оставив сопругата сама со нашите четири кучиња, па треба да ѝ помогнам и да се вратам на работа“ – заврши тој.