Бременоста ја чуваше во тајност, бебето го крсти по себе... Манекенката Александра Накова го роди второто дете
Александра Накова по вторпат се оствари во улогата на мајка.
Поранешната манекенка од Гевгелија на својот Instagram профил објави фотографија од рачето на штотуку роденото бебенце и напиша: „Добредојде на свет најмило мое, Александар. 30.08.2026“.
Раѓањето на синот го одбележа и со црнобела фотографија од професионална трудничка фотосесија, на која во преден план е нејзиното пораснато стомаче. Во описот напиша:
„Моето срце е полно со тебе🤍“.
Накова бременоста ја чуваше во тајност. Претходно имаше објавено само една фотографија на која стоеше само дека е во 29. недела од бременоста.
Таа со неколку фотографии на Instagram Story откри дека е во врска со 29-годишниот бугарски фудбалер Ѓорѓи Јомов.
Од бракот со поранешниот сопруг, кошаркарот Никола Гајдаџиев, таа ја има 11-годишната ќерка Леа.
