Ен Хетавеј никогаш не се плашела да експериментира со модата, но нејзиното најново појавување на црвениот тепих не наиде на воодушевување кај сите.
43-годишната актерка, која го очекува своето трето дете, присуствуваше на премиерата на „The End of Oak Street“ во Лос Анџелес и гордо го истакна трудничкото стомаче во несекојдневна комбинација.
Ѕвездата од „The Devil Wears Prada“ носеше скулптурален топ од Atelier Prabal Gurung, во небесносина и интензивна црвена нијанса. Хетавеј го спои раскошниот дизајнерски топ со фармерки со низок струк, оставајќи го трудничкото стомаче целосно откриено. Изгледот го заокружи со салонки со шпиц од Aquazzura.
Токму фармерките се покажаа како најспорниот дел од стајлингот. На социјалните мрежи се нижат коментари дека лежерниот деним воопшто не се вклопува со драматичниот горен дел.
„Изгледа смешно“, „Фармерки? ФАРМЕРКИ?! На тој прекрасен топ му требаше подобар партнер“, „Фармерките го прават изгледот уште полош“ и „Ја обожавам, но не разбирам зошто стилистот ѝ го направил ова“ – се дел од критиките.
Други го оценија стајлингот како „нападен“ и ја критикуваа за разголувањето на стомачето.
Без оглед на поделeните модни оценки, Хетавеј изгледаше расположено и самоуверено пред фотографите, позирајќи со широка насмевка со трудничкото стомаче во преден план.
