Додека Ирина Шајк ги реализира модните ангажмани во Париз за нејзината ќерка се грижи нејзиниот поранешен партнер Бредли Купер, кој е татко на девојчето.
Славниот актер со слаткото девојче деновиве неколкупати беа „уловени“ од папараците низ Њујорк. Во учебните денови, Купер ја испраќа Леа до училиште, носејќи го нејзиниот розов ранец, а слободните денови ги користат за дружби во „големото јаболко“.
Иако се поранешни партнери, Ирина и Бредли одлично се согласуваат и имаат заедничко старателство над Леа.
Ирина во моментов е во Париз, каде е дел од ревии во рамките на Модната недела која ќе трае до утре.
