Бред Пит е новото заштитно лице на женскиот парфем Chanel N°5. Француската модна куќа ја потврди веста дека 48-годишниот актер ќе се појави во новата рекламна кампања на култниот парфем.
За првпат е избран маж да го претставува омилениот парфем на милиони жени. Претходно заштитни лица на Chanel N°5 биле Мерилин Монро, Никол Кидман и Одри Тоту.
Според информации до кои дојде E! Online, Бред во текот на оваа недела во Лондон ќе го започне снимањето на првата реклама.
Сè уште не е познато колкава сума стои зад соработката на Шанел и Бред Пит, но се претпоставува дека се работи за седумцифрена сума. Минатата година неговата свршеница, Анџелина Џоли, стана рекламно лице на Луј Витон за дебела сума од 10 милиони долари.
