Паулина Поризкова непрекинато потсетува дека годините се само обична бројка, а дека брчките се мапа на животот која не треба да ја бришеме од нашето лице.
59-годишната манекенка, која старее грациозно, повторно искрено зборуваше за стареењето, обидувајќи се да ги промени перцепциите и да ги сруши стереотипите поврзани со убавината во подоцнежните години од животот.
„Чувствувам како премногу да се плашиме од брчките. Дали некогаш сте го забележале тоа? Преплашени сме од брчките, затоа што претпоставувам дека брчките прават да не сме повеќе релевантни, да не сме повеќе секси, да не сме повеќе посакувани...“
„Продолжувам да ги гледам брчките – моите, твоите, на секоја жена која ќе ја видам – и си помислувам: ‘Тоа е мапата на животот. Гледам каква си била ти како личност. Зошто би сакала да го избришеш тоа?’ Зошто ги поистоветуваме брчките со акните?“.
„Акните се болест, а брчките се знаци на привилегијата дека си жива. Зошто да ги елиминираме? Зошто да не ги прифатиме? Разбирам зошто – затоа што општеството ми кажува дека не нè сака откако ќе се збрчкаме“ – рече таа.
Паулина во април ќе наполни 60 години и со нетрпение го очекува својот роденден.
„Никогаш не сум била повеќе возбудена за некој роденден во мојот живот“ – вели таа во видеото од интервјуто.
Познатата шведска манекенка, чиј сопруг почина во 2019 година додека беа во процес на развод, сега е во нова врска. Таа вели дека сега гледа на љубовта многу поразлично отколку во минатото.
„Чувствувам како сега да сум ја открила љубовта. Имам сосема нова идеја за љубовта“ – вели таа.
Видео
Паулина беше еден од најбараните модели во 80-тите и 90-тите години на минатиот век.
Неодамна, таа имаше операција на колковите поради дисплазија.
