Бразилка роди новороденче тешко 7,3 кг на кое му се потребни алишта како за 9-месечно бебе

Жена од Бразил роди бебе тешко 7,3 килограми и долго 59 сантиметри.

Клеидијана Сантос дос Сантос го донесе на овој свет синчето Ангерсон со царски рез на 18 јануари. Тоа го сруши рекордот за најголемо бебе во сојузната држава на Бразил, Амазон, и за малку не го сруши рекордот на национално ниво, кој е 8 килограми.

На новородениот Ангерсон му се потребни алишта како за 9-месечно бебе.

Сантос била на рутинска консултација кога докторите забележале дека бебето е премногу големо за да може да го носи до крајниот термин за породување.

Ангерсон е во инкубатор, но и тој и мајката се во стабилна состојба.

Според докторите, големината на новороденчето најверојатно се должи на дијабетесот на неговата мајка.

Најголемото природно родено бебе досега е родено во Италија во 1955 и тежеше 10,2 килограми.