Браво Македонијо! За само 29 часа собрани парите за младата мајка Ивана која се бори со карцином во четврт стадиум

Македонија уште еднаш ја покажа својата хуманост.

За само 29 часа беа собрани потребните средства за лекување на 32-годишната Ивана која се соочува со сериозна здравствена состојба – карцином на матката во четврти стадиум. 

Апелот за помош на младата мајка на 7-годишно девојче беше објавен на Ecrowd, а убавата вест дека парите се собрани ја објави докторот Ненад Лазаров.

Ги собравме парите за Ивана, за само 29 часа!!!

ECrowd.mk заедницата држи лекции по хуманост и филантропија, им даваме на луѓе надеж и воља за живот, повеќе не сте сами ❤️‍🩹

Од име на Ивана и нејзиното семејство, и од име на фондацијата, ВИ БЛАГОДАРИМЕ на сите кој се вклучивте во оваа кампања 💪👏 – напиша Лазаров на својот профил.

Иако ситуацијата е сложена, медицинските прогнози даваат надеж. Постои можност за соодветен третман во специјализирана клиника во Турција. Бидејќи времето е клучен фактор во ваквите дијагнози, неопходно е лекувањето да започне што е можно поскоро.