Кога си ја сакаш професијата, резултатите се видливи.
Видео од бербер кој со трпение и љубов потстрижува момче со Даунов синдром го освои светот и стана вирален хит. Во него, Вернон Џексон бесплатно го потстрижува својот 7-годишен клиент Елисон.
Тој низ игра му го прави потстрижувањето забавно и интересно на малото детенце кое не може да престане да се смее.
This barber has the sweetest approach to cutting hair of boy with Down Syndrome ️ pic.twitter.com/hP83YEkcQp
— Good News Dog (@goodnewsdog) February 28, 2023
Неговата мајка Џули вели дека пред да дојдат во салонот на Вернон, кратењето на косата било многу стресно искуство за нив.
„Секогаш беше стресно и спротивно од она што го гледате во видеото. Во најголемиот дел од времето морав да го гушкам на столот за да поминеме низ тоа. Имавме пробано и да го потстрижуваме дома“ – рекла таа.
Елисон не е единствениот клиент кој добива бесплатни фризури од Вернон. Секој месец, грижливиот фризер си одделува по еден ден за да потстрижува деца со посебни потреби и вели дека секое детенце е приказна сама за себе.
„Секое дете е различно и треба да бидеш присутен за него во моментот“ – вели Вернон.
