Кратко време пред Нова година, Кристијан Станковски го доби најубавиот подарок.
Дечкото познат како Бомбакис, кој кај нас се прослави со пораките кои ги пишува на картони, стана татко.
Среќниот Македонец во негов стил ја објави убавата вест. На картон тој напиша: „Добредојде на светов Бисера“.
„Сега веќе животот има смисла, има за кого да се живее, животот ќе го дадам за тебе“ – напиша во описот.
Бомбакис се ожени со саканата Вики во јуни оваа година.
„Најдобриот “картон” што сум го држел во животов! Најдоброто нешто што ми се случило во животов! После сите турбуленции, фала ти Господе! Фала ти Вики што си ми најголема поддршка у животов“ - напиша Бомбакис во јули, кога ја соопшти веста за бременоста на сопругата држејќи слика од ехо.
