Бојата на 2026 година е... Cloud Dancer, бела нијанса која е симбол на мир во бучниот свет

Pantone ја претстави бојата која ќе ја одбележи 2026 година, а тоа е PANTONE 11-4201 Cloud Dancer, бела нијанса која симболизира мир, смиреност и тивка сила во време исполнето со врева и брзина.

Овој избор значи дека 2026 ќе ја обои потребата за пауза, за длабоко вдишување, за враќање кон едноставноста и за нови почетоци. „Cloud Dancer“ е боја којашто поттикнува фокус, креативност и нова перспектива.

Возвишена бела неутрална боја, чија воздушеста присутност делува како шепот на смиреност и мир во бучен свет. PANTONE 11-4201 Cloud Dancer ја симболизира смирувачката сила во општество кое повторно ја открива вредноста на тивката рефлексија.

Оваа бела боја со меки, облачни тонови, исполнета со спокој, повикува на вистинска релаксација и фокус, дозволувајќи му на умот да талка, а на креативноста да дише.

И во движење и во пауза, бојата на 2026 година, PANTONE 11-4201 Cloud Dancer, лебди помеѓу светлината и етеричното, жив спокој кој повикува на обнова, визија во тишина и креативно ослободување – стои во објавата на Pantone.

Бојата на годината која ја одредува Pantone има големо влијание не само во модната и козметичката, туку и во сите други гранки на индустријата. Pantone е една од најголемите компании за производство на бои, а позната е по својот систем за стандардизација на боите.