Всушност не е една, туку две.
Pantone избра две нијанси кои ќе ја одбележат 2021 година. Станува збор за жолтата нијанса „Illuminating“ и сивата „Ultimate Gray“.
„Illuminating (Осветлувачка) е светла и весела жолта која зрачи со живост, затоплена жолта нијанса проткаена со соларна енергија. Ultimate Gray (Ултимативната сива) е симбол за солидни и сигурни елементи кои се вечни и обезбедуваат цврста основа“ – изјавуваат од Pantone.
Бојата на годината која ја одредува Pantone има големо влијание не само во модната и козметичката, туку и во сите други гранки на индустријата. Pantone е една од најголемите компании за производство на бои, а позната е по својот систем за стандардизација на боите.
